Tarantula

Tarantula likosidoen familiako zenbait armiarmaren izena da. Armiarma mota askori eman izan zaio tarantula izena, baina benetako tarantulak lasterka eginez harrapakinak atzematen dituztenak dira. Pozoia sartuz hiltzen dituzte harrapakinak. Tarantula gehienek ez dute amaraunik egiten. Gorputz sendoa, begi txikiak eta hanka luze iletsuak dituzte. 12 bat tarantula mota dira; Lycosa tarantula, Europako hegoaldean eta Afrikako iparraldean bizi dena, eta Cyrtopholis portoricae izenekoa, dira ezagunenak.

Theraphosidae eta Dipluridae familietako armiarmei ere tarantula deritze.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.